«Kazakh Journal of Physical Medicine & Rehabilitation» (Журнал) - халықаралық ғылыми-тәжірибелік рецензияланатын мерзімді басылым. Журнал 2011 жылдан бастап жарияланып келеді (бұрынғы атауы – «Вопросы реабилитологии»). «Реабилитологтар мен курортологтар қауымдастығы» Қоғамдық Бірлестігі журналдың меншік иесі болып табылады.

Меншік иесі Журнал жұмысына ұйымдастырушылық және қаржылай қолдау көрсетуді жүзеге асырады.

Басылымның халықаралық сериялық стандартты нөмірі (ISSN) - 2222-2014 (баспа), хххх-хххх (онлайн).

Журнал жылына 4 рет жарық көреді. Сондай-ақ Меншік иесі ұйымдастырған ғылыми конференциялардың материалдарына арналған кезектен тыс шығарылымдарды (нөмірлерге қосымшалар) жариялайды.

Бұл журналда мақала жариялау тегін болып табылады.

Журналдың мақсаты: реабилитология, физиотерапия, емдік дене шынықтыру, курортология салаларындағы инновациялық, іргелі және қолданбалы зерттеулерді дамытуға үлес қосу, олардың нәтижелерін ұлттық және халықаралық ғылыми кеңістікте қолжетімді ету.

Журналдың міндеттері:

- реабилитология, физиотерапия, емдік дене шынықтыру, курортология салаларындағы қазақстандық және шетелдік ғалымдардың бірегей ғылыми-зерттеулерінің (теориялық және эксперименттік), ғылыми-тәжірибелік және инновациялық жұмыстарының нәтижелерін мақала түрінде жариялау;

- реабилитология, физиотерапия, емдік дене шынықтыру, курортология салаларындағы бойынша ғылыми зерттеу жұмыстарының сапасы мен тиімділігін арттыра түсуге, сондай-ақ, аталмыш зерттеулердің сараптамасын жетілдіруге ықпал ететін ашық қолжетімділік саясатын қолдау;

- Қазақстанның реабилитология, физиотерапия, емдік дене шынықтыру, курортология салаларындағы ғылыми жетістіктерді насихаттау және отандық ғалымдар мен әлемдік ғылыми қауымдастық арасында диалогтық платформа құру;

- реабилитология, физиотерапия, емдік дене шынықтыру, курортология салаларындағы заманауи үрдістер мен талаптарға сай мамандар (дәрігерлер және орта медициналық қызметкерлер) даярлаудағы білім беру мәселесін жаңғыртуға өз септігін тигізу;

- халықаралық сараптамалық ортада Журнал иесінің жетістіктерін және ғылыми-академиялық ортадағы имиджін насихаттау.

 

Журналдың негізгі тақырыптық бағыттары:

• Реабилитологиядағы инновациялық технологиялар;
• Реабилитологиядағы іргелі және клиникалық зерттеулер;
• Физиология мен психология;
• Нутрициология, емдік тағамтану;
• Реабилитологиядағы фармакологиялық қолдау;
• Шұғыл жағдайлар мен ерте оңалту;
• Реабилитологиядағы функционалды диагностика;
• Реабилитологиядағы биомедициналық технологиялар;
• Емдік дене шынықтыру, физиотерапия және гигиена;
• Спорттық медицина мен ғылым;
• Мүмкіндігі шектеулі тұлғаларды сүйемелдеу;
• Әлеуметтік реабилитация, адаптация және түзету педагогикасы;
• Реабилитациялық көмекті ұйымдастыру, реабилитациялық қызметтің сапасы;
• Қалпына келтіру медицинасы, аурудың алдын алу, салауатты өмір салты;
• Паллиативті медицина;
• Реабилитологиядағы мейіргерлік іс;
• Реабилитология саласындағы білім берудің өзекті мәселелері;
• Реабилитология саласындағы кадрлық менеджмент және т.б.

 

Журналдың аудиториясы - отандық және шетелдік ғалымдар, реабилитолог дәрігерлер, резиденттер, магистранттар мен PhD докторанттар.

Журналда реабилитология, физиотерапия, емдік дене шынықтыру, курортология салаларының заманауи сұрақтары қамтылған авторлық материалдардың келесі түрлері жарияланады:

- клиникалық және/немесе эксперименталды зерттеулер бойынша төл мақалалар;

- әдеби шолулар (сонымен қатар жүйелі шолулар және мета-талдаулар);

- редакторға арналған хаттар немесе сыни пікірлер;

- ауру ағымының ерекшелігі немесе сирек кездесетін синдромдар сипатталған клиникалық жағдайлар;

- реабилитология саласындағы білімді кеңейтуге бағытталған (түпнұсқа суреттері бар) қысқаша хабарламалар;

- клиникалық ұсыныстар;

- конференциялар, симпозиумдар мен семинарлардың материалдары және т.б.